Enn eitt vínið frá Gerard Bertrand sem ég prófaði í haust kemur frá þorpinu Tautavel í Roussillon-héraði, sem er staðsett á milli Pyrenea-fjalla og Miðjarðarhafs. Vínið er gert úr þrúgunum Syrah, Grenache og Carignan. Hluti þess er látinn þroskast í frönskum eikartunnum í 9 mánuði, en afgangurinn er látinn liggja í tönkunum á meðan.
![](http://www.vinsidan.is/wp-content/uploads/2019/12/Gerard-Bertrant-Tautavel-2016-litil.jpg)
Gerard Bertrand Grand Terroir Tautavel 2016 er kirsuberjarautt á lit, unglegt með miðlungsdýpt. Í nefinu finnur maður skógarber, hindber, pipar og lyng. Í munni eru græn tannín, hressileg sýra og flottur ávöxtur. Sólber, hindber, leður, pipar og vottur af eik í góðu eftirbragðinu. 90 stig. Góð kaup (2.899 kr). Fer vel með nauti, villibráð, grilluðu lambi og góðum ostum.
Vínið fékk Gyllta Glasið 2019.
![](https://www.vinsidan.is/wp-content/uploads/2019/12/GB-Tautavel-label-100x100.jpg)
Gerard Bertrand Grand Terroir Tautavel 2016
Fer vel með nauti, villibráð, grilluðu lambi og góðum ostum.
4
90 stig