Í gær fjallaði ég um rauðvínið Modello delle Venezie frá Masi. Vín dagsins er hvítvínið í sömu línu, sem er að mestu gert úr Pinot Grigio, ásamt nokkrum öðrum hvítum þrúgum sem teljast einkennandi fyrir Veneto-hérað. Þessi vín eru ekki ætluð til geymslu heldur eru þau tilbúin til neyslu og endast líklega ekki lengur en 2-4 ár, eða svo. Engu að síður eru mjög góð kaup í þessari línu því vínin eru á mjög góðu verði miðað við sambærileg vín.
Masi Modelle delle Venezie Bianco 2015 er föl-strágult á lit, með örlitla græna slikju. Í nefinu er þægilegur blómailmur ásamt sítrus, gulum eplum og smá möndlukeim. Í munni er vínið þurrt og frísklegt í munni, með sítrus- og eplakeim í eftirbragðinu. Gott matarvín sem hentar vel með pasta, risotto, fiskréttum og salati, eða bara sem fordrykkur. Mjög góð kaup (1.780 kr).
Vínsíðan
Smelltu hér til að gefa einkunn
[Alls: 0 Meðaltal: 0]